سعودی عرب 2020ء تک طیاروں کے پر زہ جات کی تیاری شروع کردے گا
سعودی عرب کی فوجی سازو سامان تیار کرنے کی ذمہ دار کمپنی سامی نے جدہ شہر میں جہازوں کے بنیادی ڈھانچے اور ان کے سپئرپارٹس کی تیاری کے لیے کام تیزی سے جاری رکھا ہوا ہے۔ ہوائی جہازوں کی کمپنی اے اے سی سی کے ساتھ مل کر 2020 تک ہوائی جہازوں کے سپیرپارٹس کی تیاری شروع کردے گی،
عرب ٹی وی کے مطابق سعودی عرب کی ایئر کرافٹ ایکیوپمنٹ کمپنی کے چیف ایگزیکٹو ڈاکٹر انجینئرمنصور العید نے بتایاکہ فرم 2020 سے ٹائیفون طیاروں کے سپیرپارٹس کی تیاری شروع کردے گی ، تاہم سول طیاروں کے سپئرپارٹس کی تیاری 2019 میں شروع ہونے کا امکان ہے۔ان کا کہنا تھا کہ مقامی سطح پر ہوائی جہازوں کے پرزہ جات کی تیاری سے اخراجات میں کمی، ان کی درآمدات سے منافع کمانے اور قومی پید اواری صلاحیت میں اضافے کے بے پناہ مواقع پیدا ہوں گے،
مسلح افواج کو بیرون ملک سے جہازوں کے پرزے منگوانے کی پریشانی ختم ہوگی اور پبلک سیکٹر میں ہزاروں سعودی شہریوں کو روزگار مہیا جا سکے گا۔جدہ میں جہازوں کے پرزہ جات کی تیاری کی افتتاحی تقریب سے خطاب میں ڈاکٹر منصور العید نے کہا کہ سعودی عرب طیاروں کے پرزہ جات کی تیاری میں جلد خود کفیل ہوجائے
گا۔
انہوں نے کہاکہ ہم جہازوں کے ٹائر، ان کے اندر استعمال ہونے والی فریم، جہازوں بڑے، عقبی اور چھوٹے پر تیار کیے جائیں گے، جدہ میں تیاری کے بعد انہیں الظہران بھیجا جائے گا ، جہاں ان میں دوسرے پرزہ جات کی فٹنگ کی جائے گی۔ دیگر پرزہ جات میں بھی زیادہ تر سعودی عرب کے اندر ہی تیار کیے جائیں گے۔
انہوں نے مزید کہا کہ تین سال کے دوران ہم نے 450 سعودی شہریوں کو اس شعبے میں روزگار فراہم کیا ہے۔ ہمارے پاس جہازوں کے پرزہ جات اور آلات کی تیاری کے لیے بے پناہ مواقع ہیں۔ ہم مزید شعبوں میں بھی ملازمتیں تخلیق کریں گے۔
منصور العید کا کہنا تھا کہ سعودی عرب نہ صرف خود طیاروں کے پرزہ جات میں خود کفیل ہوگا بلکہ ہم علاقائی سطح پر بھی دوسرے ممالک کی بھی اسپئرپارٹس کی تیاری میں مدد کریںگے، آئندہ دو سال کے دوران سعودی عرب میں قائم ایسے کارخانوں میں سعودی شہریوں کے تناسب کو 62 فیصد سے بڑھا کر 80 فیصد تک لایا جائیگا۔
بشکریہ روزنامہ پاکستان
